Futbol üzrə Türkiyə kubokunun qalibi müəyyənləşib. Matc.az xəbər verir ki, həlledici oyunda "Qalatasaray"la "Akhisarspor" üz-üzə gəlib. Sivasda keçirilən final qarşılaşmasında hesabı kubokun sonuncu qalibi olan "Akhisarspor" açıb. Amma 78-ci dəqiqədə azlıqda qalan bu komanda qalan dəqiqələrdə ardıcıl 3 qol buraxmaqla meydanı məğlub tərk edib.

Beləcə, "Qalatasaray" Türkiyə kubokunun qalibi olub. Bununla, İstanbul təmsilçisi tarixində 18-ci dəfə kuboku başı üzərinə qaldırıb.

"Akhisarspor" – "Qalatasaray" - 1:3
Qol: Manu, 57 – S.Gümüş, 80-pen. Fequli, 88. Diane, 90.