Azərbaycanın qadın boksçulardan ibarət millisinin yeni baş məşqçisi bəlli olub. Matc.az xəbər verir ki, bu barədə Boks Federasiyasının mətbuat xidməti məlumat yayıb.

Yığma İlkin Ağayevə həvalə edilib. Onun qarşısına qadın boksunun inkişafı, beynəlxalq arenada uğurlu çıxış məqsədi qoyulub.

36 yaşlı mütəxəssis boksçu karyerasında yeniyetmələr arasında dünya birinciliyinin qızıl və gümüş medalçısı olub, Avropa birinciliyində finala kimi yüksəlib. Dəfələrlə Azərbaycan çempionu və beynəlxalq turnirlərin qalibi olub, 2017-ci ildən isə məşqçi kimi fəaliyyət göstərir.

İlkin Ağayev son 3 ildə qadınlardan ibarət Azərbaycan yığmasında çalışıb.

XƏBƏRİ PAYLAŞ
  • gplus
  • pinterest