"Real"ın hücumçusu Kilian Mbappe UEFA Çempionlar Liqasının Liqa mərhələsinin 7-ci turunda "Monako" üzərində 6:1 hesablı qələbə qazandıqları oyunda 2 qol vuraraq, Kriştiano Ronaldonun rekordunu təkrarlayıb.

Matc.az xəbər verir ki, bu barədə məlumatı "Opta Sport" paylaşıb.

Mbappe bu mövsüm Çempionlar Liqasında 11 qol vurub ki, bu da onu turnirin qrup və ya ümumi mərhələlərində ən çox qol vuran oyunçu edir. Bu, Ronaldonun 2015/2016 mövsümündə vurduğu qol sayı ilə eynidir.

Qeyd edək ki, Mbappe bu mövsüm bütün klub yarışlarında 26 matçda 30 qol vurub və 5 məhsuldar ötürmə edib.