"Barselona" icarəyə götürülmüş "Mançester Yunayted"in hücumçusu Markus Reşfordun daimi transferində israr etməyə davam edir.

Matc.az xəbər verir ki, insayder Rəşad Rəhman klublar arasında danışıqların təfərrüatlarını paylaşıb.

Bildirilir ki, "Barselona" və Flik Reşforddan məmnundurlar və onu komandada saxlamaq istəyirlər. Oyunçu özü də komandada qalmaq istəyir.

İngilis klubu isə "Barselona"ya ultimatum verməyə davam edir: 30 milyon avro ödəyin, əks halda o, "Old Trafford"a qayıdacaq. "Barselona" fərqli təkliflər irəli sürsə də, "Mançester Yunayted" qəbul etmir.

Qeyd edək ki, Markus Reşford 2025-ci ilin yayından "Barselona"dadır. Bu mövsüm o, 12 qol vurub və 13 məhsuldar ötürmə edib.