Bu həftə Azərbaycan Premyer Liqasında I dövrə başa çatacaq. Matc.az "Zirə"nin feysbuk səhifəsinə istinadən xəbər verir ki, milli komandaların oyunları ilə əlaqədar yaranacaq fasilə ərəfəsində paytaxt klubu "Qəbələ" ilə görüşəcək.

Zirə İdman Kompleksinin stadionundakı matç rəqiblər arasında ölkə çempionatı çərçivəsində 17-ci duel olacaq. İlk dəfə 2015-ci ildə üz-üzə gələn komandalar son 4 mövsümün hərəsində dörd dəfə qarşılaşıb.

Əvvəlki 16 matçdan dördündə üç xal qazanan "Zirə" yeddi dəfə bir xalla kifayətlənib. "Qartallar" beş görüşdən xalsız ayrılıblar. 32 qolun vurulduğu qarşılaşmalarda əyalət klubu daha çox fərqlənib – 18:14.

Bakılıların 10 futbolçusu bu oyunlarda qol sevinci yaşayıb. Sadio Tounkara, Nelson Bonilya, Viktor İqbekoyi və Milan Duriç "Qəbələ"ni daha çox – hərəyə 2 dəfə məyus edib.

Dövrənin son matçı "Zirə"nin "Qəbələ"yə qarşı 9-cu ev görüşü olacaq. öz meydanındakı son 5 qarşılaşmadan xalsız və qolsuz ayrılmayan qəsəbə təmsilçisi evdə üstünlüyə malikdi. 3 qələbəsi olan "qartallar" eyni sayda heç-heçə edib və 2 dəfə uduzub. Top fərqi isə qonaqların xeyrinədi – 8:10.

Qeyd edək ki, "Zirə" – "Qəbələ" oyunu oktyabrın 6-da baş tutacaq.

XƏBƏRİ PAYLAŞ
  • gplus
  • pinterest