19 Fevral 2020, 19:06
TOP OYUNLARI

Qadın voleybolçular arasında Azərbaycan Super Liqasında bu gün daha bir matç oynanılıb. Matc.az xəbər verir ki, Dərnəgül Voleybol Mərkəzində baş tutan günün yeganə görüşündə "Azərreyl" Gürcüstan komandası ilə üz-üzə gəlib.
 
Oyun Famil Ağayevin yetirmələrinin üstünlüyü ilə keçib. İlk hissədə 25:13 hesabı ilə qalib gələn "Azərreyl" daha sonra rəqibini 25:23 hesabı ilə məğlub edib. üçüncü setdə isə 25:21 hesabı qeydə alınıb və Bakı təmsilçisi 3:0 hesabına sevinib.
 
Nəticədə 5-ci oyunda 5-ci qələbəsini qazanan "Azərreyl" turnir cədvəlində vahid liderə çevrilib. 15 xala malik komanda ən yaxın izləyicisi "Abşeron"u 3 xal qabaqlayır. Gürcüstan komandası isə ikinci görüşündə də xal və set qazana bilməyib.

XƏBƏRİ PAYLAŞ
  • gplus
  • pinterest