"Futbolçularımın hər birini təbrik etmək istəyirəm. Son ana qədər mübarizə apardılar". Matç.az saytı xəbər verir ki, bu sözləri  Topaz Premyer Liqasında XIII turun "Sabah" – "Neftçi" (1:2) oyunundan sonra keçirilən mətbuat konfransında "ağ-qaralar"ın baş məşqçisi Roberto Bordin deyib.

İtaliyalı mütəxəssis oyun barədə fikirlərini açıqlayıb və jurnalistlərin suallarını cavablandırıb: "İki dəfə azlıqda qaldıq. çalışdılar düzgün reaksiya versinlər. Komandamın oyunundan çox razıyam".

- Hakimlikdən necə?

- Səhv etmirəmsə, 11 sarı vərəqə oldu. Bunlardan 3-ü qırmızı vərəqə oldu. Hər kəsə bu oyuna bir daha baxmağı məsləhət görürəm. Mənimçün vacib olan komandamın oyunudu, ondan da çox razıyam.

- Dabo qırmızı vərəqə aldıqdan sonra meydandan çıxmaq istəmirdi, sonra hakimlərə əl çaldı. Buna münasibətiniz necədi?

- Düşünürəm ki, Dabo azarkeşləri alqışlayırdı.

- Karikari bura ehtiyatda ourub pul qazanmağa gəlib, yoxsa futbol oynamağa?

- Bu sualı cavablandırmaq istəmirəm. Taktiki sual varsa, buyurun.

 

XƏBƏRİ PAYLAŞ
  • gplus
  • pinterest