"Qarabağ"ın futbolçusu Abdullah Zubir Premyer Liqada 50-ci oyununu keçirib.
 
Matc.az xəbər verir ki, yarımmüdafiəçi yubileyini "Səbail"lə 11-ci turun səfər matçında (1:1) qeyd edib.
 
O, Azərbaycan çempionatında yalnız bir klubun – Ağdam təmsilçisinin şərəfini qoruyub. Zubir 50 oyunda 14 qol vurub. Debütü 2018/19 mövsümünə təsadüf edən fransalı 23 oyunda 6 dəfə fərqlənib. ötən çempionatın 19 görüşündə 5 dəfə fərqlənən yarımmüdafiəçi cari mövsümdə 8 matçda 3 qola sevinib.
 
Qeyd edək ki, Zubir Premyer Liqada 2018-ci il sentyabrın 14-də "Sumqayıt"la ev matçında (1:0) debüt edib.

XƏBƏRİ PAYLAŞ
  • gplus
  • pinterest