29 Noyabr 2023, 14:23
FUTBOL

"Səbail" Azərbaycan kubokunda tarixinin ən böyükhesablı qələbəsini qazanıb. Matc.az xəbər verir ki, Şahin Diniyevin baş məşqçisi olduğu komanda bunu turnirin 2-ci təsnifat mərhələsində "Şəfa"nı 7:0 hesabı ilə məğlub etməklə nail olub.
 
Bu həm də "Səbail"in tarixində bütün turnirlər nəzərə alınmaqla ən böyükhesablı səfər qələbəsinin təkrarıdır. Bakı klubu 1-ci divizionda oynadığı 2016/17 mövsümündə də rəqib meydanında 7 top fərqi ilə qalib gəlib.
 
"Səbail" 2017-ci il fevralın 22-də "Göyəzən"lə səfər matçında indiki kimi 7 cavabsız qolla üstün olub. Həmin rekordu təxminən 6 il 9 aydan – 2470 gündən sonra təkrarlayan paytaxt təmsilçisi tarixinin üç ən böyükhesablı qələbəsindən birini bayram edib.
 
"Səbail" tarixinin ən böyük qalibiyyəti də 1-ci divizionda qeydə alınıb. Paytaxt klubu "Bakılı"nı 11:3 hesabı ilə məğlub edib. 2016-cı il noyabrın 24-nə təsadüf edən həmin rekord fərqin təkrarlanması üçün bir top çatmayıb

XƏBƏRİ PAYLAŞ
  • gplus
  • pinterest