İtaliyanın "Roma" klubunda baş məşqçi istefası gerçəkləşə bilər. Matç.az saytı xəbər verir ki, paytaxt təmsilçisi Eusebio di Françesko ilə yollarını ayırmağa hazırlaşır.

Hətta bu istefa dünən gerçəkləşməli idi. A seriyasının IX turunda "Spal"a 0:2 hesablı məğlubiyyətdən sonra klubun prezidenti Ceyms Pallotta qəzəbindən baş məşqçini qovmaq qərarına gəlib.

Lakin onun köməkçisi Franko Baldini onu sakitləşdirə bilib. Qərara alınıb ki, mütəxəssisə 4 oyunuq vaxt verilsin.

çempionlar Liqasının Rusiya MOİK-i ilə iki qarşılaşması, həmçinin "Napoli" və "Fiorentina" ilə matçlar di Françesko üçün həlledici xarakter daşıyacaq.