“Komanda Mbappeyə görə məyus durumdadır. Başa düşürəm ki, bu, asan deyil”. Matc.az xəbər verir ki, bunu əfsanəvi fransalı futbolçu Tyerri Anri deyib.

O, “Real”da çıxış edən həmkarı Kilian Mbappenin hazırkı durumuna münasibət bildirib. Anrinin fikrincə, 25 yaşlı oyunçu ümidləri doğrultmur: “Kilian təkmilləşməlidi ki, vəziyyət daha pis olmasın. Ondan Didye Droqba kimi topu saxlamasını tələb etmirik, topu götürüb hamını yerə sərməsini istəmirik. Amma Mbappe hücumçu kimi oynayıb, komandasına fayda verməlidi”.

Qeyd edək ki, Kilian Mbappe bu mövsüm 15 oyunda 8 qol vurub, 2 məhsuldar ötürmə verib.