Ölkəmiz 2026-cı ildə qadınlar arasında keçiriləcək voleybol üzrə Avropa çempionatında ev sahibliyi edəcək.

Matc.az xəbər verir ki, bu barədə Avropa Voldeybol Konfederasiyası (CEV) açıqlama yayıb.

Azərbaycan qitə çempionatını Türkiyə, Çexiya və İsveçlə birlikdə təşkil edəcək. Hər ölkədə bir qrupun oyunları keçiriləcək. Pley-off və həlledici matçların ev sahibi isə Türkiyə olacaq.

Avropa çempionatının final mərhələsində 24 komanda yarışacaq. Artıq 12 iştirakçının adı məlumdur. Ev sahibləri ilə yanaşı son turnirdə uğurlu çıxış edən Serbiya, Niderland, İtaliya, Polşa, Fransa, Bolqarıstan, Ukrayna və Slovakiya da bu hüququ əldə edib.

Qeyd edək ki, gələn ilin avqustunda digər 12 xoşbəxt yığmanın adına aydınlıq gələcək.