Beynəlxalq Futbol Tarixi və Statistikası Federasiyası (IFFHS) 2025-ci ilin ən yaxşı pleymeykeri mükafatına namizədlərin siyahısını açıqlayıb.

Matc.az xəbər verir ki, reytinqdə futbolçuların cari ilin yanvar-dekabr ayları arasındakı çıxışları nəzərə alınır. Münsiflər heyətinə dünyanın 120 ölkəsindən idman jurnalistləri və ekspertlər daxildir.

Mükafata namizədlər bunlardır: Arda Güler (“Real”), Brunu Fernandeş (“Mançester Yunayted”), Koul Palmer (“Çelsi”), Florian Virts (“Bayer” /“Liverpul”), Cud Bellinqem (“Real”), Kevin De Brüyne (“Mançester Siti” / “Napoli”), Lamin Yamal (“Barselona”), Martin Edegor (“Arsenal”), Pedri (“Barselona”), Vitinya (PSJ), Lionel Messi (“İnter Mayami”), Xames Rodriqes (“Leon”), Reo Hatate (“Seltik”), Məhəmməd Kudus (“Vest Hem” / “Tottenhem”) və Malik Tillman (“PSV” / “Bayer”).

Səsvermənin nəticələri 10 dekabrdan sonra açıqlanacaq.