Əlverişsiz hava şəraiti səbəbindən "Ağstafa Gəncləri" komandasının ev oyunlarını keçirdiyi Ağstafa şəhər stadionunun ot örtüyü yararsız vəziyyətə düşüb.

Matc.az xəbər verir ki, bununla əlaqədar Azərbaycan II Liqasının 18-ci turu çərçivəsində 16 mart tarixində keçirilməsi planlaşdırılan "Ağstafa Gəncləri" – "Şirvan" oyununun yeri dəyişdirilib.

Hər iki klubla aparılan müzakirələrdən sonra Peşəkar Futbol Liqası qarşılaşmanın Göygöl Olimpiya İdman Kompleksinin stadionunda keçirilməsinə qərar verib.

Oyunun başlanma saatı və digər detallar dəyişməz olaraq qalır.