UEFA "Atletiko"nu azarkeşlərinin Çempionlar Liqasında "Arsenal"la səfər oyununda törətdiyi hadisələrdən sonra cəzalandırıb.

Matc.az xəbər verir ki, bu barədə AS məlumat yayıb.

Bildirilir ki, klub bəzi azarkeşləri tərəfindən törədilən irqçi və ayrı-seçkilik davranışında ittiham olunub. "Atletiko" 30 000 avro cərimə olunub və Çempionlar Liqasının bir matçı üçün səfər biletlərinin satışına şərti qadağa qoyulub. Cəza 1 il müddətində qüvvədə olacaq. Oxşar hadisələr təkrarlanarsa, sanksiya avtomatik olaraq tətbiq olunacaq. Klub əlavə olaraq meydana yad əşyalar atıldığına görə 10 000 avro cərimə olunub.

Xəbərdarlığa baxmayaraq, azarkeşlər 9 dekabrda PSV və 21 yanvarda "Qalatasaray"la səfər matçlarında komandanı dəstəkləyə biləcəklər. Lakin, hər hansı bir sonrakı pozuntu sanksiyanın tam şəkildə tətbiq olunması ilə nəticələnəcək.