"Mançester Yunayted" hücumçu Benyamin Şeşkonun zədələnməsinə baxmayaraq, "Əl-Əhli"nin forvardı İvan Toni ilə müqavilə bağlamayacaq.

Matc.az xəbər verir ki, bu barədə TEAMtalk məlumat yayıb.

Bildirilir ki, "qırmızı şeytanlar" hücumçu kimi Mateus Kunyanın xidmətindən istifadə etməyi düşünür. Həmçinin Şeşkonun zədəsini dekabrın ortalarına qədər sağalda biləcəyi vurğulanır.

Toni isə 2026-cı il dünya çempionatında İngiltərə millisinin heyətinə daxil olmaq şansını artırmaq üçün bu qış Premyer Liqaya qayıtmağa hazırdır.

Bu mövsüm ingilis futbolçu bütün yarışlarda 18 oyunda meydana çıxıb, 12 qol vurub və 2 məhsuldar ötürmə edib. Onun klubla hazırkı müqaviləsi 2028-ci ilin yayına qədərdir. "Transfermarkt" portalında hücumçunun bazar dəyəri 25 milyon avrodur.