"Real" "Liverpul"un mərkəz müdafiəçisi İbrahima Konatenin performansının aşağı düşməsi səbəbindən transfer planlarından imtina etmək qərarına gəlib.

Matc.az xəbər verir ki, bu barədə "The Athletic" məlumat yayıb.

Bildirilir ki, Madrid klubu artıq "Liverpul"u qərarları barədə məlumatlandırıb. Vurğulanır ki, "Real"ın Konatedən imtina etməsi fransız futbolçunu 2026-cı ilin yayında başa çatacaq "Liverpul"la müqaviləsini uzatmağa yaxınlaşdıra bilər.

Qeyd edək ki, bu mövsüm müdafiəçi bütün yarışlarda 18 oyunda meydana çıxıb və bir qol vurub. "Transfermarkt"da onun dəyəri 55 milyon avrodur.