Yığmamız Dəkkədəki "Milli stadion"da keçirdiyi ilk oyunda Malayziya üzərində qələbə qazanıb.

Bu gün Azərbaycanın qadınlardan ibarət millisi Banqladeşin Dəkkə şəhərində "FİFA Tri Nations Women’s Football Series 2025" adlı turnirdə mübarizəyə başlayıb.

Matc.az xəbər verir ki, yığmamız Dəkkədəki "Milli stadion"da keçirdiyi ilk oyunda Malayziya ilə qarşılaşıb.

Millimiz rəqibini iki cavabsız qolla məğlub edib. Qolları Peritan Bozdağ (4) və Nigar Mirzəliyeva (24) vurub.

Qeyd edək ki, Azərbaycan millisi növbəti oyununu dekabrın 2-də Banqladeşə qarşı keçirəcək.