İlhan Palut "Rizespor"un baş məşqçisi vəzifəsindən istefa verdiyini açıqlayıb.

Matc.az xəbər verir ki, bu barədə Türkiyə klubunun mətbuat xidməti məlumat yayıb.

Türkiyə Superliqasının 14-cü turunda "Rizespor" evdə "Kayserispor"a 0:1 hesabı ilə məğlub olub. Bu məğlubiyyətdən sonra 49 yaşlı mütəxəssis istefa vermək qərarına gəlib.

Qeyd edək ki, İlhan Palut 2023-cü ilin yayından bəri Rize şəhərində yerləşən kluba rəhbərlik edirdi. Bu mövsüm "Rizespor" Superliqada 14 oyunda 3 qələbə, 6 məğlubiyyət və 5 heç-heçə ilə yadda qalıb. Hazırda aktivində 14 xalı olan komanda turnir cədvəlində 11-ci sırasında qərarlaşıb.