Cənubi Amerikanın ən nüfuzlu futbol turniri olan Libertadores Kubokunun final oyunu baş tutub.

Matc.az xəbər verir ki, Braziliya derbisində "Flamenqo" "Palmeyras"ı 1:0 hesabı ilə məğlub edib.

Qarşılaşmanın yeganə qolunu 67-ci dəqiqədə, "Real", "Mançester Siti" və "Yuventus"un sabiq oyunçusu Danilo vurub.

Bu, "qırmızı-qaralar"ın son 7 ildə (2019 və 2022) turnirdə qazandığı üçüncü və ümumilikdə dördüncü qələbəsidir (klub ilk kuboku 1981-ci ildə qazanıb).

Bununla da, "Flamenqo" 2029-cu il FIFA klublararası dünya çempionatına vəsiqəni təmin edib.