"Everton"un hücumçusu İliman Ndiaye "Mançester Siti", "Liverpul" və "Tottenhem"in maraq dairəsinə düşüb.

Matc.az xəbər verir ki, bu barədə "Footmercato" məlumat yayıb.

Bildirilir ki, klublar 25 yaşlı futbolçu haqqında məlumat toplamağa başlayıblar.

Seneqallı oyunçu 2024-cü ilin yayından "Everton"da çıxış edir. Bu mövsüm hücumçu bütün yarışlarda 15 oyunda meydana çıxıb, 4 qol vurub və 1 məhsuldar ötürmə edib.

Ndiayenin klubla hazırkı müqaviləsi 2029-cu ilin yayına qədərdir. "Transfermarkt" portalında futbolçunun dəyəri 35 milyon avrodur.