"Liverpul"un bu mövsüm Arne Slot rəhbərliyi altında zəif nəticələrinə baxmayaraq, alman məşqçi Yurgen Kloppun komandaya qayıtma ehtimalı azdır.

Matc.az xəbər verir ki, bu barədə "The Telegraph" məlumat yayıb.

Bildirilir ki, birincisi, Kloppun klub rəhbərliyindəki Maykl Edvards və Culian Uord ilə arasındakı fikir ayrılığı onun "Liverpul"a potensial qayıdışına mane ola bilər.

İkincisi, "qırmızılar"ın rəhbərliyi oyunçuların və məşqçilərin bəzən formada geriləmə yaşadıqlarını başa düşürlər. Bu, Slotu baş məşqçi kimi qalmasında problem olmayacağına işarədir. Bundan əlavə, "Liverpul" rəhbərliyi niderlandlı mütəxəssisin müqaviləsinin vaxtından əvvəl ləğvi üçün 2024-cü ilin yayında "Feyenoord"a 8 milyon funt-sterlinq ödədiklərini də nəzərə alır.

Üçüncüsü, Klopp məşqçilik olaraq aktiv fəalliyyət göstərməsə də, o, "Leypsiq"də beynəlxalq əlaqələr direktoru vəzifəsini tutur.

Xatırladaq ki, alman məşqçi 2015-ci ildən 2024-cü ilə qədər "Liverpul"a rəhbərlik edib.

Hazırda İngiltərə Premyer Liqasıda 12 turundan sonra komandanın 18 xalı var və 13-cü yerdə qərarlaşıb.