"Liverpul"un çempionluq paradı zamanı avtomobili insanların üzərinə sürməkdə ittiham olunan şəxs 21 il 6 ay həbs cəzasına məhkum edilib.

Matc.az xəbər verir ki, may ayının sonlarında komandanın Premyer Liqa qələbə paradı zamanı avtomobil "Liverpul" azarkeşlərinin izdihamına çırpılıb. Polis tezliklə şübhəlinin 53 yaşlı britaniyalı olduğunu və hadisənin terrorizmlə əlaqəsi olmadığını müəyyən edib.

Sentyabr ayında keçirilən dinləmədə keçmiş Kral Dəniz Piyadaları xüsusi təyinatlılarının əsgəri Pol Doyl bütün ittihamlar üzrə özünü günahkar bilməsə də, noyabr ayında günahını etiraf edib.

O, həmçinin 16 il 10 ay müddətinə avtomobil idarə etməkdən məhrum edilib. Onun hərəkətlərində 134 nəfər xəsarət alsa da, yalnız 29 nəfərin adı ittiham aktına düşüb. Bu qurbanların yaşları 6 aydan 77 yaşa qədər olub.

Məhkəmə qərarında Doylun "qəzəbdən bunu etdiyi" bildirilib.