"Gazeta Sporturilor"un direktoru və Mirça Luçeskunun yaxın dostu Ovidiu İoanițsoaya rumın məşqçinin ölümü barədə danışıb.

Matc.az xəbər verir ki, o, bu barədə "Golazo.ru"ya müsahibə verib.

"İki-iki ay yarım əvvəl onun heç bir problemi yox idi. Sonra leykemiya inkişaf etdi və bu da hər şeyi çətinləşdirdi. Əslində, baş verənlərin səbəbi bu idi. Diaqnozu şəxsi olduğunu deyərək gizlətməyə çalışdıq, amma ölümünə səbəb olan və onu sürətləndirən leykemiya idi.

Hər bir halda, futbol onun üçün hər şey idi. Əgər ona İstanbuldakı matça getmək qadağan olunsaydı, psixoloji cəhətdən daha da çətin olardı. Bu, onun taleyi idi - o, bütün həyatını tam sürətlə yaşadı və təəssüf ki, eyni dərəcədə tez dünyasını dəyişdi. Onun həyatı futbol idi.

İstanbuldakı matçdan bir-iki həftə əvvəl onunla danışdım, çünki həkimlər ona həqiqəti deməkdən yayınırdılar, ona görə də vasitəçi kimi çıxış etdim. Dedim ki, "Mirça, vəziyyət ciddidir - həkimlər belə deyirlər". O isə cavab verdi ki, "Mən heç nə edə bilmərəm. Mən bu şəkildə başladım - əgər lazım gəlsə, bu şəkildə bitirəcəyəm". Bu, onun şüurlu şəkildə qəbul etdiyi bir risk idi.

O, həmçinin dedi ki, "Yaxşı, sabah çıxacam, evə gedəcəyəm, duş qəbul edərəm və sonra gedib kapuçino içərik", - İoanițsoaya müsahibəsində deyib.

Qeyd edək ki, Rumıniya millisinin sabiq baş məşqçisi olan Mirça Luçesku yığmanın məşqi zamanı infarkt keçirdiyi üçün xəstəxanaya yerləşdirilmişdi. O, Həkimlərin səyinə baxmayaraq 80 yaşında vəfat etdi.