"Barselona" hücumçusu Osman Dembeleni satmaqda israrlıdır. Matc.az "Sky Sports"a istinadən xəbər verir ki, Kataloniya klubu fransalı futbolçunun qiymətini açıqlayıb.

Məlumata görə, rəhbərlik Dembeleni 45 milyon funt sterlinq qarşılığında satacaq.  Daha öncə klub oyunçu ilə müqavilənin uzadılması barədə razılığa gələ bilməmişdi. Fransalı hücumçuya Premyer Liqa klublarından təkliflər olduğu vurğulanıb. 

Qeyd edək ki, "Barselona" 23 yaşlı forvardı  2017-ci ildə 105 milyon avro qarşılığında "Borussiya"dan transfer edib. O, bu günə qədər komandası ilə 75 oyuna çıxıb və 19 qol vurub.