"çelsi "Yuventus"un hücumçusu Paulo Dibala ilə maraqlanır. Matc.az xarici mətbuata istinadən xəbər verir ki, London təmsilçisinin baş məşqçisi Frenk Lempard oyunçunun transfer edilməsini istəyir.

Argentinalı hücumçunun agenti hazırda Turin klubu ilə danışıq aparır. Tərəflər müqavilə uzadılması barədə razılığa gələ bilməsə, "çelsi" oyunçu ilə təmasa keçəcək.

London klubu daha öncə "İnter"in forvardı Lautaro Martineslə də maraqlanmışdı. Ancaq oyunçu A Seriyası təmsilçisində qalmağa qərar verdi.