Futbol üzrə Avropa Konfrans Liqasında mövsümün yaz hissəsində mübarizə aparacaq 24 komandadan 13-ünün adı bəlli olub. Matc.az xəbər verir ki, bu komandalar arasında yer alan Azərbaycan təmsilçisi "Qarabağ"ın 12 mümkün rəqibi məlumdur.
 
Bu klublardan 6-sı qrupda 1-ci yeri təmin edib. Həmin komandalar birbaşa 1/8 finalda oynayacaq. Yalnız bir komandanın qrup ikinciliyi dəqiqləşib. Avropa Liqasından 3-cü yer sahibi kimi pley-offa qatılacaq 2 iştirakçı da bəllidir. Bir sözlə, pley-offun ümumilikdə 3 komandası məlumdur.
 
4 komanda isə yarışa 1/8, yoxsa pley-offdan davam edəcəyini son turda biləcək. Qrupdan çıxan, amma yeri bilinməyən 4 klubdan biri də "Qarabağ"dır.
 
Konfrans Liqasında qrup mərhələsinin sonuncu turunun matçları dekabrın 9-da baş tutacaq.
 
Qrup qalibləri
LASK (Avstriya)
"Gent" (Belçika)
"Alkmaar" (Niderland)
"Feyenoord" (Niderland)
"Kopenhagen" (Danimarka)
"Renn" (Fransa)
 
Qrup ikinciləri
"Makkabi" (Təl-Əviv, İsrail)
 
Qrupdan çıxan, yeri bilinməyən
"Bodo Qlimt" (Norveç)
"Roma" (İtaliya)
"Qarabağ" (Azərbaycan)
"Bazel" (İsveçrə)
 
Avropa Liqasından gələnlər
"Fənərbaxça" (Türkiyə)
"Seltik" (Şotlandiya)

XƏBƏRİ PAYLAŞ
  • gplus
  • pinterest