06 İyun 2022, 00:22
DÇ-2026

Qətərdə keçiriləcək DÇ-2022-yə Avropa zonasından sonuncu vəsiqəni Uels yığması qazandı. Matc.az xəbər verir ki, sözügedən komanda buna Ukrayna ilə pley-offun final matçında 1:0 hesablı qələbə qazanmaqla nail olub.

Qətərdə keçiriləcək Dç-2022-yə Avropa zonasından sonuncu vəsiqəni Uels yığması qazandı. Matc.az xəbər verir ki, sözügedən komanda buna Ukrayna ilə pley-offun final matçında 1:0 hesablı qələbə qazanmaqla nail olub.
 
Uels yığması 64 ildən sonra mundialda iştirak hüququ əldə edib. Bu komandada ilk və sonuncu dəfə Dç-1958-də mübarizə aparıb. Həmin vaxt bu komandanın qarşısını 1/4 finalda Braziliya yığması 1:0 hesablı qələbə ilə kəsib.
 
Uels yığması dünya çempionatında B qrupuna düşüb. Bu komandanın rəqibləri İngiltərə, İran və ABŞ yığmaları olacaq.
 
Dç-2022 21 noyabr - 18 dekabr aralığında keçiriləcək. Hazırda dünya çempionatının 32 iştirakçısından 30-u məlumdur:
 
Avropa: İngiltərə, Belçika, Almaniya, Danimarka, İspaniya, Niderland, Polşa, Portuqaliya, Serbiya, Fransa, Xorvatiya, İsveçrə,  Uels
 
Cənubi Amerika: Argentina, Braziliya, Ekvador, Uruqvay
 
Afrika: Qana, Mərakeş, Seneqal, Kamerun, Tunis
 
Asiya: Qətər, İran, Səudiyyə Ərəbistanı, Cənubi Koreya, Yaponiya
 
Şimali Amerika: Kanada, ABŞ, Meksika.
 
Qalan iki komandadan biri iyunun 14-də keçiriləcək Kosta-Rika - Yeni Zelandiya cütünün qalibi olacaq. Digər yığmaya gəldikdə, əvvəlcə iyunun 7-də Qətərdə BƏƏ və Avstraliya arasında pley-off matçı keçiriləcək. Görüşün qalibi isə iyunun 13-də eyni ölkədə Peru ilə üz-üzə gələcək. Məhz bu qarşılaşmanın qalibi mundiala yüksələcək.

XƏBƏRİ PAYLAŞ
  • gplus
  • pinterest