"Neftçi"nin hücumçusu Gilyerme Pato ilə maraqlanan Kipr klublarının adına aydınlıq gəlib. Matc.az saytı xəbər verir ki, adıçəkilən ölkənin 4 yüksək liqa təmsilçisi braziliyalı futbolçunu heyətinə qatmaq niyyətindədi.

Bunlar APOEL, "Anortosis", AEL və AEK-di. Adıçəkilən komandaların hər biri 21 yaşlı forvardı icarəyə götürmək fikrindədi. Həmçinin Bakı klubu da əsas heyətə düşə bilməyən oyunçusunu mövsümün sonuna qədər başqa komandaya icarəyə verməyi planlaşdırır.

Qeyd edək ki, Gilyerme Patonun "Neftçi" ilə müqaviləsi 2024-cü ilin yayına qədərdi.