09 Mart 2023, 15:28
FUTBOL

"Turan Tovuz" azarkeşləri üçün sevindirici xəbərlər bir-birini əvəzləyir. Matc.az saytının məlumatına görə, yeni avtobusuna qovuşan və baş məşqçisi Ayxan Abbasovla müqaviləni 3 il müddətinə uzadan bölgə təmsilçisi bu dəfə stadionla bağlı xoş məlumat alıb.
 
Belə ki, Tovuz şəhər stadionunun tablosunun quraşdırılması prosesi yekunlaşmaq üzrədi. Artıq yeri hazırlanan elektron tablo yaxın günlərdə quraşdırılacaq. ölçüsü 18 kvadratmetr olan tablo ən müasirlərdən sayılır və şəkil görüntüsü 5 pc-dir.
 
Qeyd edək ki, "Turan Tovuz" hazırda 26 xalla turnir cədvəlinin 6-cı pilləsində qərarlaşır.
 
XƏYAL
 

XƏBƏRİ PAYLAŞ
  • gplus
  • pinterest