“Mançester Yunayted”in futbolçusu Meyson Maunt komandasını dəyişə bilər. Matc.az xəbər verir ki, klub rəhbərliyi və komandanın məşqçilər korpusu onunla əməkdaşlığı davam etdirməkdə maraqlı deyil.

Rəhbərlik futbolçunu satışa çıxarmağa və yaxşı məbləğdə təzminat qarşılığında ondan qurtulmağa hazırdır. “Çelsi”dən 60 milyon avro qarşılığında transfer edilən Maunt yeni komandasında ümidləri doğrulda bilmir. Bu səbəbdən “Mançester Yunayted” onunla yolları ayırmaq haqda düşünür.

Qeyd edək ki, Maunt İngiltərə Premyer Liqasının ötən mövsümündə 14 oyunda 1 qola imza atıb.