Bu gün "Neftçi" Misli Premyer Liqasının 16-cı turunda səfərdə "Sumqayıt"la qarşılaşacaq.

Matc.az xəbər verir ki, paytaxt klubu ötən gün "Neftçi" Futbol Mərkəzində oyunöncəsi son məşqinə çıxıb.

Zədəli Emin Mahmudov məşqdə iştirak etməyib, Azər Salahlı isə fərdi çalışıb. Emin və Azərlə yanaşı, cəzalılar – Yuri Matias və Edvin Kuç da "Sumqayıt"la matçı buraxacaqlar.

Xatırladaq ki, Mehdi Hüseynzadə adına Sumqayıt şəhər stadionunda keçiriləcək "Sumqayıt" – "Neftçi" matçı saat 18:00-da start götürəcək.