Məşqçilərin reytinq siyahısı açıqlanıb. Matç.az saytı xəbər verir ki, siyahıda yalnız bir azərbaycanlı mütəxəssis yer alıb.

Azərbaycan millisinin və "Qarabağ"ın baş məşqçisi Qurban Qurbanov 881 xalla planetin 511-ci çalışdırıcısıdı. Son bir həftədə 196 xal itirən 46 yaşlı mütəxəssis 463-cü pillədən 48 addım geriləyib.

"Neftçi"nin italiyalı baş məşqçisi Roberto Bordin də siyahıda yer alıb. Qurbanovu 1 xal qabaqlayan apenninli mütəxəssis ondan 1 addım öndədir. Lakin 882 xalla 510-cu olan Bordin də geriləyib. O, ötən həftə ilə müqayisədə 33 xal itirib və 32 pillə geriləyib.

Qeyd edək ki, siyahıya 14 min 347 xala malik Ernesto Valverde başçılıq edir.