"Monako"nun yarımmüdafiəçisi Eliot Matazo "Hall Siti"yə keçib.

Matc.az xəbər verir ki, bu barədə İngiltərə klubunun rəsmi saytı məlumat yayıb.

Transfer 2 milyon avro təşkil edib. Müqavilə 30 iyun 2028-ci il tarixinədək imzalanıb. Bundan əlavə, "Hall Siti"nin müqaviləni daha bir mövsüm uzatmaq imkanı var.

Qeyd edək ki, 22 yaşlı belçikalı 2018-ci ilin yayında "Anderlext"in gənclərdən ibarət komandasından "Monako" U19-a keçib. Daha sonra o, Fransa klubunun ikinci komandasında oynayıb, həmçinin "Antverpen"də icarə əsasında oynayıb

Ümumilikdə o, "Monako"nun heyətində 84 oyun keçirib, 2 qol vurub və 3 məhsuldar ötürmə edib.