Əfsanəvi boksçu Corc Forman vəfat edib.

Matc.az xəbər verir ki, bu barədə onun yaxınları sosial şəbəkədə məlumat yayıblar. O, martın 21-də, 76 yaşında Hyustonda (ABŞ) dünyasını dəyişib.

Corc Forman ağır çəkidə Olimpiya, WBC, WBA və İBF versiyaları üzrə dünya çempionu idi.

Forman 10 yanvar 1949-cu ildə Texasda doğulub. 1970-ci illərdə ağır çəkidə dünya çempionu titulunu qazanaraq məşhurlaşıb. İdmandan müvəqqəti uzaqlaşdıqdan sonra, 1987-ci ildə boksa qayıdıb və 1994-cü ildə 45 yaşında yenidən çempion olub. Bu nəticə onu ağır çəki tarixində ən yaşlı çempion edib.