İspaniya çempionatında ən yüksək məvacib alan futbolçuların adları açıqlanıb. Matc.az xəbər verir ki, "L’Equipe" qəzeti La Liqanın ən çox qazanan oyunçularından ibarət siyahı hazırlayıb.

İlk pillədə “Real”ın fransalı hücumçusu Kilian Mbappedi. O, Madrid klubunda ayda 2,67 milyon avro maaş alır. İkinci yerdə “kral klubu”nun digər üzvü Vinisius Junior qərarlaşıb. İlk “3-lük”də sonuncu futbolçu isə “Barselona”nın polşalı forvsrdı Robert Levandovskidi.

“Real”ın müdafiəçisi David Alabanın 4-cü olduğu siyahıda 5-ci yeri iki futbolçu bölüşdürür:

1. Kilian Mbappe (“Real”) - 2,67 milyon avro

2. Vinisius Junior (“Real”) - 2,5 milyon avro

3. Robert Levandovski (“Barselona”) - 2,17 milyon avro

4. David Alaba (“Real”) - 1,88 milyon avro

5. Cud Bellingem (“Real”) və Yan Oblak (“Atletiko”) - 1,67 milyon avro