İtaliyalı sağ cinah müdafiəçisi Nikolo Savona "Yuventus"la müqaviləsini uzadıb.

Matc.az xəbər verir ki, bu barədə klubun saytı məlumat yayıb.

22 yaşlı futbolçu ilə yeni müqavilə 2030-cu il iyunun 30-dək nəzərdə tutulub.

Qeyd edək ki, italyan futbolçu "Yuventus"un yetirməsidir və o, 2024-cü ilin avqustunda Turin klubunun əsas komandasında oynamağa başlayıb. Ötən mövsüm Savona 37 oyun keçirib, 2 qol vurub və 1 məhsuldar ötürmə edib.

"Yuventus" ötən mövsüm 70 xal toplayaraq İtaliya A Seriyasının turnir cədvəlini 4-cü pillədə başa vurub.

Klublararası dünya çempionatında "Yuventus" BƏƏ-nin "Əl-Ayn", İngiltərənin "Mançester Siti" və Mərakeşin "Vidad" klubları ilə G qrupunda mübarizə aparacaq.