"Toplanış çərçivəsində ilk oyunumuz idi. Əsasən gənclərə şans verdik. Təcrübəli futbolçularımızın bir neçəsi komandaya yeni qoşulub və onlar hələ ki oynamağa tam hazır deyil". Matc.az xəbər verir ki, bu sözləri "Səbail"in baş məşqçisi Aftandil Hacıyev  deyib.

Hacıyev Bolqarıstanda təlim-məşq toplanışı çərçivəsində yerli "Lokomotiv" klubuna 0:1 hesabı ilə uduzduqları yoxlama oyunundan sonra klubun saytına danışıb.  O bildirib ki, rəqibdən fərqli olaraq, hazırda  hazırlığın ilkin mərhələsindədirlər: "Bolqarıstan çempionatının təqviminə uyğun olaraq, rəqibimiz bizimlə müqayisədə daha hazırlıqlı idi. Bununla belə, oyuna nəzarət etməyə çalışırdıq. Sadəcə, gənc oyunçularımızın təcrübəsi çatmadı ki, rəqib qapısı qarşısında daha təhlükəli epizodlar yaradaq".