PSJ-nin yarımmüdafiəçisi Li Kan İn "Atletiko"nun marağına səbəb olub.

Matc.az xəbər verir ki, bu barədə məlumatı insayder Matteo Moretto paylaşıb.

Bildirilir ki, cənubi koreyalı yarımmüdafiəçi Madrid klubunun 2026-cı ilin yay mövsümü üçün əsas transfer namizədlərindən biridir.

Komandalar bu qış oyunçunun transferini müzakirə etsələr də, razılığa gələ bilməyiblər.

Eyni zamanda, PSJ 25 yaşlı futbolçunun 2028-ci ilin yayına qədər olan müqaviləsini uzatmaq istəyir.

Qeyd edək ki, Kan İn bu mövsüm Paris klubunda 28 oyun keçirib, 3 qol vurub və 4 məhsuldar ötürmə edib.