Braziliya yığmasının baş məşqçisi Tite Amerika Kubokunun yarımfinal mərhələsində Argentina ilə keçiriləcək oyun barədə fikirlərini bölüşüb. Matc.az saytı xəbər verir ki, təcrübəli mütəxəssis meydan amilindən yararlanmaq istədiklərini söyləyib.

Tite rəqibin ən təhlükəli oyunçusu olan Lionel Messini zərərsizləşdirməyin mümkünsüz olduğunu da etiraf edib: "Biz argentinalıların fərdi bacarıqlarından danışmırıq. Onlar komanda olaraq böyüyüblər. Kollektiv individuallığı gücləndirir. Messini oyundan çıxara bilməzsiniz. Onu yavaşlatmaq olar, amma tamamilə zərərsizləşdirmək mümkün deyil. Bizdə Koutinyo, Firmino və Neres həlledici rolu oynaya bilərlər. Əgər azarkeşlər oteldəki kimi dəstək versələr, bu bizə əlavə güc qazandıracaq".

Qeyd edək ki, Braziliya - Argentina görüşü iyulun 2-dən 3-nə keçən gecə keçiriləcək və Bakı vaxtı ilə 03:30-da start götürəcək.