36 yaşlı yarımmüdafiəçi Cordan Henderson "Brentford"dan "Çelsi"yə keçib.

Matc.az xəbər verir ki, bu barədə London klubunun mətbuat xidməti məlumat yayıb.

Bildirilir ki, futbolçu London klubu ilə 2 illik müqavilə imzalayıb.

Karyerası ərzində Premyer Liqa və UEFA Çempionlar Liqası da daxil olmaqla 8 titul qazanan yarımmüdafiəçi 2026/2027 mövsümü öncəsi yeni komanda yoldaşlarına qoşulacaq.

Cordan Henderson "Sanderlend"in yetirməsidir. Yarımmüdafiəçi peşəkar səviyyədə 2011-2023-cü illərdə "Liverpul"da çıxış edib və bu komandanın heyətində bir çox uğurlara imza atıb.

Oyunçunun karyerasında həmçinin "Koventri Siti", "Əl-İttifaq" və "Ayaks" klubları da var.