19 yaşlı ukraynalı hücumçu Dmitro Boqdanov Berlin "Union"u ilə müqaviləsinin müddətini uzadıb.

Matc.az xəbər verir ki, bu barədə klubun mətbuat xidməti məlumat yayıb.

Bildirilir ki, müqavilənin müddəti və maliyyə təfərrüatları açıqlanmır.

19 yaşlı Boqdanov Kiyev "Dinamo"sunun yetirməsidir. Ukraynalı futbolçu Almaniyada Dresden "Dinamo"sunun heyətinə qoşulub və burada əsas komandada ümumilikdə 6 oyun keçirib.

Hücumçu ötən ilin yayında Berlin "Union"una keçib. Bu transfer Almaniyanın paytaxt klubuna 600 min avroya başa gəlib. O vaxtdan bəri gənc oyunçu bayerlilərin əsas komandasında 2 matçda meydanda olub.

Futbolçu Almaniyanın elita divizionu olan Bundesliqada debütünü bu ilin fevralında, 2025/2026 mövsümünün 24-cü turu çərçivəsində keçirilən "Borussiya" ilə səfər oyununda (0:1) əvəzetmədən meydana daxil olaraq gerçəkləşdirib.

Qeyd edək ki, "dəmirçilər" ötən mövsümü daxili çempionatda 11-ci pillədə başa vurublar. Berlin təmsilçisi 34 tur ərzində 39 xal toplamağı bacarıb.