"Mançester Yunayted" yeni baş məşqçi axtarışına başlayıb. Matç.az saytının xarici mətbuata istinadən məlumatına görə, komandanın uğursuz çıxışı Joze Mourinyonun postunu laxladıb.

"Mankunianlar" bu cür performansı davam etdirəcəyi təqdirdə, ən geci mövsümün sonunda portuqaliyalı mütəxəssislə vidalaşacaq. Onun postuna isə iki namizəd var. Bunlar italiyalılar – Antonio Konte və Massimiliano Alleqridi. Hazırda işsiz olan Kontenin adı "Real"la da birgə hallanır. Alleqri isə "Yuventus"u çalışdırır və komandada qalıb-qalmayacağı çempionlar Liqasındakı çıxışdan asılı olacaq.

Qeyd edək ki, "Mançester Yunayted" Premyer Liqada hazırda 14 xalla turnir cədvəlinin 10-cu pilləsində qərarlaşıb.