"Çelsi" yarımmüdafiəçi Koul Palmer ilə müqavilənin müddətinin 2034-cü ilə qədər uzadıldığını elan edib.

Matc.az xəbər verir ki, bu barədə klubun mətbuat xidməti məlumat yayıb.

24 yaşlı yarımmüdafiəçinin əvvəlki əmək müqaviləsi 2033-cü ilə qədər nəzərdə tutulmuşdu.

Palmer "Mançester Siti"nin yetirməsidir. O, 2023-cü ilin sentyabrında "şəhərlilər"in düşərgəsindən "Çelsi"yə keçib. Bu müddət ərzində yarımmüdafiəçi bütün turnirlərdə 138 matçda iştirak edib, 58 qol və 34 məhsuldar ötürmə ilə yadda qalıb.

"Transfermarkt" portalında futbolçunun dəyəri 110 milyon avro təşkil edir.

Cari mövsümdə Palmer bütün yarışlarda 7 oyuna çıxıb, 4 qol vurub və 2 məhsuldar ötürmə edib.