Abdullah Avcının Azərbaycan milli komandasını çalışdırma ehtimalı davam edir. Matc.az-ın məlumatına görə, təcrübəli mütəxəssis hələlik məsələ ilə bağlı konkret fikir bildirməyib.

Belə ki, türkiyəli mütəxəssis üstünlüyü klub çalışdırmağa verir. Avcı "Beşiktaş"dan ayrıldıqdan sonra ona bir neçə Süper Liqa təmsilçilərindən təklif olub. Ancaq o, karyerasını ölkə xaricində davam etdirmək niyyətindədir. 56 yaşlı çalışdırıcı hazırda Avropa klublarının biri ilə danışıqlar aparır. Danışıqlar müsbət nəticələnməsə, Avcı AFFA rəhbərliyi ilə masa arxasına oturacaq .

Türkiyə mətbuatı hər nə qədər Avcının millimizi çalışdırmaq istəmədiyini bildirsə də, təcrübəli mütəxəssis hələlik bununla bağlı konkret cavab verməyib. Məsələnin yaxın günlərdə həll olunacağı gözlənilir.

Qeyd edək ki, Abdullah Avcı mövsümə "Beşiktaş"da başlasa da, uğursuz gedişatın ardından istefaya göndərilib. O, 2011-2013-cü illərdə Türkiyə millisini çalışdırıb.