"çelsi"nin sabiq yarımmüdafiəçisi Mixael Ballak İngiltərə mətbuatına müsahibə verib. Matc.az xəbər verir ki, almaniyalı futbolçu London klubundan ayrılmağı barədə danışıb:

"Karlo Ançelotti qalmağımı istədi, lakin klub mənim yaşımdakı oyunçulara bir illik müqavilə təklif edirdi. Mən isə onlardan iki illik sözləşmə tələb etdim. İndi başa düşürəm ki, səhv etmişəm. Bir il belə qalmaq lazım idi. Açığı, o zaman belə ayrılacağımı düşünməmişdim. Son ana qədər məsələnin həll olunacağını gözləyirdim. Ancaq alınmadı. Karyeramın sonuna qədər "çelsi"də qalmaq istəyirdim".

Qeyd edək ki, Ballak 2010-cu ildə "çelsi"dən "Bayer"ə keçmişdi.