13 Fevral 2021, 10:38
DİGƏR

Azərbaycan şahmatçısı Teymur Rəcəbov bu gün çempionlar Turunun "Opera Euro Rapid" adlanan mərhələsində 3-cü yer uğrunda mübarizəyə başlayacaq.
 
Matc.az xəbər verir ki, 34 yaşlı qrossmeyster fransalı Maksim Vaşye-Laqravla üz-üzə gələcək.
 
Görüşlər iki gün davam edəcək. Şahmatçılar hər gün 4 oyun keçirəcəklər. İki günün qarşılaşmaları qalibi müəyyənləşdirməsə, tay-brek oynanılacaq.
 
Rəcəbov yarımfinalda ABŞ təmsilçisi Uesli Soya, Vaşye-Laqrav isə norveçli Maqnus Karlsenə uduzub.
 
Bu gün və sabah həm də Karlsen və So arasında final görüşləri keçiriləcək.
 
Qeyd edək ki, turnirin ümumi mükafat fondu 100 000 ABŞ dollarıdır. Qalib 30 000 ABŞ dolları qazanacaq.

XƏBƏRİ PAYLAŞ
  • gplus
  • pinterest