Bu gün qadın voleybolçular arasında dünya çempionatında II mərhələnin F qrupunda 3-cü tura yekun vurulub. Matç.az saytı xəbər verir ki, Azərbaycan yığmasının qrupunda keçirilən oyunlardan sonra İtaliya və çin növbəti mərhələyə vəsiqəni təmin edib.

Sonuncular ABŞ yığması üzərində qələbə ilə buna nail olub. çempionatda xal itirməyən İtaliya isə Rusiyadan güclü olub. Qrupda sonuncu vəsiqəyə də məhz bu iki məğlub komanda – ABŞ və Rusiya iddia edir. Onların son turdakı qiyabi mübarizəsi 3-cü komandanı müəyyənləşdirəcək.

Azərbaycanın Türkiyəyə uduzduğu tur Bolqarıstanın Tailand üzərində qələbə ilə diqqət çəkib. Son turda balkanlılarla görüşəcək Faiq Qarayevin yetirmələri qrupda sonuncu olmamaq üçün rəqibə xal verməməlidi.

Qeyd edək ki, E qrupunda Serbiya III mərhələyə vəsiqəni təmin edib.

II mərhələ, III tur

10 oktyabr

F qrupu

Türkiyə – Azərbaycan - 3:1 (26:24, 25,17, 22:25, 25:21)

Bolqarıstan – Tailand – 3:2 (25:18, 22:25, 18:25, 25:22, 19:17

İtaliya – Rusiya – 3:1 (22:25, 25:20, 25:18, 25:22)

çin – ABŞ – 3:0 (25:17, 26:24, 25:18)