Rəşad Sadıqov “Səbail” ilə oyundan sonra “CBC Sport”un canlı efirində görüşlə bağlı açıqlamalar verib.

Azərbaycan Premyer Liqasının I turunun qapanış oyununda “Zirə” doğma meydanda “Səbail”i 4:1 hesabı ilə məğlub edib.

Matc.az xəbər verir ki, qəsəbə klubunun baş məşqçisi Rəşad Sadıqov qarşılaşmadan sonra “CBC Sport”un canlı efirində oyunla bağlı açıqlamalar verib.

“Konfrans Liqasının səfər oyunundan yeni qayıtmışdıq. Bu səbəblə, oyuna hazırlaşmaq çətin idi. Yorğunluq var idi. Zədəli oyunçularımız da çoxdu. İkinci hissədə demək olar ki, oyunçu yox idi əvəz etməyə.

Bu gün qələbə qazanmasaq da futbolçularımı günahlandıran deyildim. Lakin oyunçularımız peşəkarlıq göstərdi və qələbə qazandıq. İkinci hissə göstərdi ki, çempionat ağır keçəcək.

III mərhələdəki rəqibimiz yaxşı rəqibdir. Yaxşı komandaya qarşı oynayacayıq. “Osiyek” mövqe oyunu oynayan komandadı. Çalışacağıq səfərdən sərfəli nəticə ilə dönüb evdə mərhələni keçməyə nail olaq”.