“Vulverhempton”un vingeri Pedro Neto 60+3 milyon avroya “Çelsi”yə keçəcək. 

Matc.az xəbər verir ki, bu barədə jurnalist Fabrisio Romano “X” sosial şəbəkəsində məlumat yayıb.

Bildirilir ki, 60 milyon avro sabit məbləğ, daha 3 milyon avro isə əlavə ödənişlər şəklində ödəniləcək. Neto tezliklə London klubunda tibbi müayinədən keçəcək.

Qeyd edək ki, ötən mövsüm Neto bütün yarışlarda 24 matçda iştirak edib, 3 qol vurub və 11 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. “Transfermarkt” portalında 24 yaşlı futbolçunun bazar dəyəri 55 milyon avrodur.